Este mércores, en Enrede, difuminando o talento que hai en Galicia e que ven a Galicia, toca este xénero grandioso é a vez pioneiro da música moderna, o jazz. Co que imos chegando xa a un período de diversificación e madurez do programa, tocando paus diferentes, pero irmáns, coma foron os concertos adicados ó blues galego (Miki Nervio&Bluesmakers), ó rock galego (Guezos), ó soul galego (Cats&Monkeys), ou ó rock nacional con actitude (Idealipsticks). E haberá máis, pois Enrede e Casa de Tolos, caracterízanse por non estar pechados a ningún estilo. Somos musiqueiros, melómanos por natureza e a música, no fondo é todo unha, só que expresada de xeitos diferentes. En definitiva, o obxecto de Enrede é lúdico; pero con pretensións de divulgación cultural á vez, ensinando a todos vostedes, querido público, esa cantidade de música, de talento, que está, ao vivo, nos locais, e que moitas veces, non temos a oportunidade de escoitar nin sequera de coñecer.
Disfrutade, amigos, do jazz tranquilo de Raynald Colom no emblemático Filloa mañá mércores ás 23:30h na TVG2
Actualizado (Martes, 14 de Febreiro de 2012 17:20)
Leer máis
 Este mércores 1 de febreiro as 23:30h. na tvG2
Verdadeira mostra do momento de ebulición de talento emerxente galego, tocando de novo nun dos pubs da Rede Galega de Música ó Vivo, pubs mecenas que ademais de poñer copas, adícanse a nobre tarefa de difundir a cultura.
Banda lucense, relativamente nova pero que conta coa ampla experiencia de xentes vidas doutros estilos e aúnan polo tanto, ese esforzo cosmopolita de aportar o espírito galego a músicas doutras latitudes. Os Cats fan unha mestura entre soul e funky. Mestura ecléctica que leva tamén pinceladas the rhythm&blues, mesmo xa implícitas no propio soul, pero que tamén poden chegar a guiños ó rock e pop máis convencional. Banda complexa, de nove membros, a cantante, recolle a testemuña soul que vai dende Aretha Frankilin ate guiños máis actuais coma poden ser Amy Winehouse.
Actualizado (Mércores, 01 de Febreiro de 2012 21:48)
Leer máis
|
 Mércores, 8 febreiro, as 23.30h., na TvG2
E os nosos visitantes esta vez chegan dende Guadalaxara, son Idealipsticks. Unha banda que fan rock´n´roll, no que, coma eles mesmos din, cabe de todo, dentro desa postura aberta, céntranse máis nunha mestura de punk, garaxe, grunge, cunha estética tamén influenciada polo Glam.
Bo son, boa posta en escena, cunha actitude rockeira, de negro underground a xogo coa vida bohemia da noite, chupas de coiro e gafas de sol. Armonías sinxelas e pegadizas, marcada por cuartas e quintas, riffs e solos que en última estancia beben dos pais do rhythm&blues.
Isto é Enrede, verdadeira aposta por levar a TV ó mundo dos músicos, os bolos nos escenarios ó vivo, e onde cabe de todo, dando apertura ós máis diversos estilos: funky, country, jazz, soul, blues, pop, rock, folk galego, punk... O público, xoven, animado, baila secundando á posta en escena inmellorable de Eva, a cantante.
Parabéns á SalaSon en Cangas, que, coma o resto das salas, nace coa inquietude de ofertar un ludismo cultural, onde ademais das copas, hai concertos, cine e literatura.
Queridos amigos, ¿Estades preparados? Cambiade a bata e as zapatillas de casa polas chupas de coiro e as botas campeiras, que ahí vai un pouco de bo rock´n´roll nacional.
Leer máis
Segundo capítulo de Enrede o mércores 25 na tvG2, 23:30h.
Neste Enrede Guezos farannos gozar do rock galego. Son unha banda local xa veterana, músicos ourensáns que veñen de traxectorias variopintas como o folk, o jazz ou o rock. A súa música narra historias máis que nada épicas, aínda que na arte sempre queda tempo para a lírica. Guezos teñen un aire que pode lembrar dende Os Resentidos ate Os Celtas Cortos. E dese percorrido histórico polo rock galego falaranos Xurxo Souto (cantante, escritor, actor, director e locutor galego), recoñecido por ser durante once anos líder e vocalista de Os Diplomáticos de Monte-Alto.
Actualizado (Martes, 24 de Xaneiro de 2012 18:15)
Leer máis
|
Dr. Harapos no Marrucho de Baiona
| 
| 
