Un programa de TV dirixido, realizado e producido por Casa de Toloscdt

logo-enrede

A primeira tempada de Enrede chegou ó seu fin esta semana, pero hoxe mesmo recibimos a noticia de que se emitirá unha segunda volta. Isto é unha boa nova para todos aqueles que vos perdestes algún programa ou que simplemente queredes volver a disfrutar da música en directo.

O longo de trece capítulos, emitidos dende comezos de ano, puidemos disfrutar do talento da música galega ó vivo en diferentes salas. Estiveron Miki Nervio & The Bluesmakers (blues acústico do Delta), Os Guezos (rock en galego), Cats & Monkeys (Soul e funky), Idealipsticks (rock), Raynald Colom (Jazz contemporáneo), Dr. Harapos (rock psicodélico), Carlos Childe (blues), Los Eternos (country-rock), Phamtom Club (funky), Os Carunchos (música tradicional), Doc Maggo´s (versións de rock), Sandford Music Factory (rock contemporáneo), e Roger de Flor (canción de autor).

Dende aquí, darlle as gracias a todos eles e parabéns polo seu talento musical, creatividade, arte, posta en escena, as gracias por deleitarnos coa súa música. Parabéns tamén para tódolos locais da Rede Galega de Música ó Vivo, programando e difuminando o seu amor á música. Agradecementos ós patrocinadores, Estrella Galicia e AGADIC, por facer posible este programa, e a Televisón de Galicia, por emitilo.

Todo o equipo de Casa de Tolos disfrutamos producindo este programa e descubrindo cada recuncho de música ao vivo da mán de tan grandes artistas.

Sabemos que nada disto sería posible, queridos amigos, sen o protagonista que fai que toda a música en directo poda existir: ti, querido público, ben sexa nos locais, ou na casa a modo de telespectador. Se non houbera público, nada desto tería sentido. Agardamos que pasarades un bo rato cada semana coñecendo as novas bandas galegas e a partir do próximo mércores recordando o xa visto ata agora. O horario por agora seguirá igual, cada mércores as 23:30 na TVG2.

Actualizado (Venres, 13 de Abril de 2012 10:11)

 

01Hoxe mércores 11 de abril en Enrede, tvG2 as 23:30h, atoparemonos cun dos cantautores galegos das vangardas: Roger de Flor. Música de autor, ecléctica, onde caben guiños ó pop, ó rock, ó swing, arranxos ás veces jazzy ou bluesy.... Sempre cun aire inconfundible, orixinal, propio, un aire destes tempos. A súa voz, ten un estilo lírico que vai a medio camiño entre a declamación e o canto, coma se de poesía musicada se tratase. Roger de Flor faise acompañar nos seus concertos por unha banda de consagrados músicos e xuntos ofrecen un espectáculo diversificado en estilos e riqueza tímbrica onde o resto dos instrumenistas, cobran tamén todo o protagonismo coma se dunha banda de rock se tratase. Conseguindo unha animada interacción co público, algo que lle da vigor escénico ó proxecto.

Usando o paradigma da nosa literatura medieval, as cancións de Roger de Flor oscilan entre o que son as "cantigas de amor" (ou como él mesmo di, de desamor), con pinceladas de "amigo", habendo tamén sitio para o escarnio, o desencanto social, a sátira, dende unha óptica tamén de humor, ironía, e de retranca tan galega.  (Pikin Floyd)

Todo isto veremólo esta noite no escenario da Sala Super 8, xestionada por Rubén Coca, local emblámatico para a música de Ferrol e que xa antes fora a Sala Run Run.

Actualizado (Mércores, 11 de Abril de 2012 10:42)

Leer máis

 

1Doc Magoo´s é unha banda de experimentados músicos que curtidos en tantas batallas, decidiron xuntarse para facer un grupo de versións.

Guitarras a dúo Fender-Gibson (bonita Les Paul), o pai e a nai das guitarras eléctricas por antonomasia. Unha boa combinación para este estilo: a Gibson para a solista, e a Strato para a rítmica.

Doc Magoo´s son: O Fillo do Roda: teclados, Jose: voz, Xabier: guitarra rítmica, Mani: batería, Franki: guitarra solista e Killo: baixo. "Pasalo ben", "sencillez", "rock´roll e amizade", "chourizo críollo e churrasco": esta é a filosofía que, coma eles mesmo din, ten Doc Magoo´s.

Son americano, un repaso polos grandes éxitos da historia do rock. En definitiva, banda de rock clásico.

Pub D´Antón: 20 anos difuminando a música, os monólogos e a cultura. O que dende aquí agradecemos unha vez máis, coma ó resto das salas da Rede Galega de Música ó vivo. Seguide así por moito tempo!!!!

Se queredes un pouco de bó rock, amigos, conectade coa 2 da TVG e a gozar de Enrede un mércores mais.

Actualizado (Mércores, 28 de Marzo de 2012 10:24)

Leer máis

 

 

01

Os Sandford Music Factory son un grupo representativo do rock alternativo, con influencias do son Seattle, o grunge, e por suposto do rock clásico.

Os Sandford, os Soundgarden de San Sadurniño, buscan ese son aracterístico de música con sentimento, xogo de dinámicas, baixos e altos que desembocan nun punto climático que despeina a calquera. Trío musical potente, estilo e unha voz principal con moita

personalidade. Bos temas da casa coma "Never" " Save me" " Thin Ice" "Insomniac", entre outros.

O local esta vez, La Iguana. ¿Que se pode dicir dun local con dúas décadas de andainas e coa soleira de La Iguana, na Cidade do rock galego, da Movida? Pois parabéns, e coido que neste caso non fan falla máis presentacións.

Pois ben, queridos irmáns melómanos, irmáns rockeiros, isto é do que vai Enrede esta noite: Sandford Music Factory en La Iguana: unha mostra máis do talento galego que vai en aumento en Galicia, e da potencia das salas do directo, coma poden ser neste caso La Iguana. 

Conectade con Enrede!!!! Este mércores 4 de abril as 23:45h na TVG2!!

Lembra que podes ver tódolos Enredes xa emitidos aquí


Actualizado (Martes, 03 de Abril de 2012 15:49)

Leer máis

 

carunchos1Esta semana Os Carunchos farannos disfrutar do mellor folk galego, cando soben o escenario inundan a sala coa forza da súa música e do seu espírito. Porque non só tocan e cantan senón que ademais gózana e vívena para que todos aprendamos a amala e a sentir o orgullo de sermos galegos. Xotas, valses, muiñeiras, rumbas...o seu repertorio é amplo e variado. Resulta imposible que escoitando a Os Carunchos un non se poña a bailar con ese sons tan nosos.

O escenario perfecto para esta noite de música galega é o Bar Liceum, sala mítica en O Porriño, que xa forma parte da historia deste concello. Máis de 20 anos ofrecendo ó público de cada xeración que reclama. Na actualidade o seu dono Paco Quintas é un dos personaxes que máis está a loitar en Galicia para que todos podamos a seguir disfrutando da música ao vivo en cada recuncho da xeografía galega.

Os Carunchos e o Bar Liceum son dous expoñentes da música en Galicia. Ninguén debería perderse este ENREDE tan de raíz o mércores 21 de marzo na tvG2 as 23:30h.

Actualizado (Martes, 20 de Marzo de 2012 14:39)

Leer máis

 

Séguenos en Twitter

MySpace

boton rexistro

Grupos e salas pertencentes a Rede Galega de Música ao Vivo serán os protagonistas de cada un dos 13 programas que compoñen a primeira tempada de ENREDE. Cada episodio transportaranos a un ambiente e a un estilo interpretado en directo.

ENREDE converterase nesa plataforma de transmisión e recoñecemento que dende fai tempo reclaman os nosos músicos.

Programa realizado e dirixido por Casa de Tolos, impulsado polo AGADIC e co patrocinio de Estrella Galicia.